పీఎన్ ఫౌండేషన్ ఆధ్వర్యంలో పారిశుద్ధ్య కార్మిక మహిళలకు దసరా కానుకలు

దసరా పండుగ సందర్భంగా పీఎన్ ఫౌండేషన్ ఆధ్వర్యంలో సీఎంసీ అమీన్పూర్ సర్కిల్ పరిధిలోని రామచంద్రపురం, భారతి నగర్ డివిజన్లకు చెందిన పారిశుద్ధ్య కార్మిక మహిళలకు చిరుకానుకలు పంపిణీ చేశారు.
రామచంద్రపురం డివిజన్ పరిధిలోని శ్రీనివాస్ నగర్ కాలనీలో ఉన్న పీఎన్ ఫౌండేషన్ కార్యాలయంలో నిర్వహించిన ఈ కార్యక్రమానికి రామచంద్రపురం తాజా మాజీ కార్పొరేటర్ బూరుగడ్డ పుష్పనగేష్ ముఖ్య అతిథిగా హాజరయ్యారు. స్థానిక కాంగ్రెస్ పార్టీ సీనియర్ నాయకులు, కార్యకర్తలతో కలిసి పారిశుద్ధ్య కార్మిక మహిళలకు దసరా కానుకలను అందజేశారు.
ఈ సందర్భంగా పారిశుద్ధ్య కార్మికులు ప్రజారోగ్యం, పరిసరాల పరిశుభ్రత కోసం అందిస్తున్న సేవలను అభినందించారు. పండుగ వేళ కార్మిక మహిళలతో సంతోషాన్ని పంచుకోవాలనే ఉద్దేశంతో పీఎన్ ఫౌండేషన్ ఆధ్వర్యంలో ఈ కార్యక్రమాన్ని నిర్వహించినట్లు తెలిపారు. సమాజానికి నిరంతరం సేవలందించే పారిశుద్ధ్య కార్మికులను గౌరవించుకోవడం ప్రతి ఒక్కరి బాధ్యత అని పేర్కొన్నారు. ఈ కార్యక్రమంలో కాంగ్రెస్ పార్టీ నాయకులు ఖదీర్, నాగేష్, కిష్టయ్యా, కార్యకర్తలు, పారిశుద్ధ్య సిబ్బంది తదితరులు పాల్గొన్నారు.