ఇక నుండిఆసుపత్రుల రిజిస్ట్రేషన్లు ఆన్‌లైన్‌లోనే. క్లినికల్‌ ఎస్టాబ్లిష్‌మెంట్స్‌ చట్టం 2010 నిబంధనలు తప్పనిసరిగా పాటించాలి
నిర్మల్ అక్టోబర్ 15(సాక్షర ప్రతినిధి ): జిల్లాలోని ఆసుపత్రులు, ఇతర వైద్య సంస్థల రిజిస్ట్రేషన్‌ ప్రక్రియను ఇక నుండి ఆన్‌లైన్‌లోనే నిర్వహించనున్నట్లు రాష్ట్ర క్లినికల్‌ ఎస్టాబ్లిష్‌మెంట్స్‌ యాక్ట్‌ జాయింట్‌ డైరెక్టర్‌ డాక్టర్‌ వెంకటరమణ తెలిపారు. రిజిస్ట్రేషన్‌ ప్రక్రియలో పారదర్శకత పెంచడంతోపాటు, దరఖాస్తుల పరిశీలనను సులభతరం చేసేందుకు ఈ విధానాన్ని అమలు చేస్తున్నట్లు వెల్లడించారు.గురువారం నిర్మల్‌లోని సమీకృత జిల్లా కార్యాలయాల సముదాయంలో నిర్మల్, ఆదిలాబాద్‌, నిజామాబాద్‌ జిల్లాలకు చెందిన వైద్య ఆరోగ్య శాఖ అధికారులకు క్లినికల్‌ ఎస్టాబ్లిష్‌మెంట్స్‌ చట్టం–2010 అమలు, ఆసుపత్రుల ఆన్‌లైన్‌ రిజిస్ట్రేషన్‌పై శిక్షణ కార్యక్రమం నిర్వహించారు. ఈ సందర్భంగా డాక్టర్‌ వెంకటరమణ మాట్లాడుతూ.. సంబంధిత ఆసుపత్రుల నిర్వాహకులు ప్రభుత్వం నిర్దేశించిన వెబ్‌ పోర్టల్‌ ద్వారా రిజిస్ట్రేషన్‌కు దరఖాస్తు చేసుకోవాలని సూచించారు. చట్ట నిబంధనలకు అనుగుణంగా అవసరమైన వివరాలు, ధ్రువపత్రాలను సమర్పించి రిజిస్ట్రేషన్‌ ప్రక్రియను పూర్తి చేయాలని తెలిపారు.
రాష్ట్ర క్లినికల్‌ ఎస్టాబ్లిష్‌మెంట్స్‌ యాక్ట్‌ అధికారి సునీల్‌రాజ్‌ మాట్లాడుతూ.. చట్టంలోని ముఖ్య నిబంధనలు, వాటి అమలు విధానం, జిల్లాస్థాయిలో అధికారులు నిర్వహించాల్సిన బాధ్యతలను వివరించారు. ఆన్‌లైన్‌ పోర్టల్‌లో దరఖాస్తుల నమోదు, అవసరమైన సమాచారాన్ని పొందుపరచడం, ధ్రువపత్రాలను అప్‌లోడ్‌ చేయడం, దరఖాస్తులను పరిశీలించడం వంటి అంశాలపై అధికారులకు అవగాహన కల్పించారు.
ఈ కార్యక్రమంలో నిర్మల్ జిల్లా వైద్య ఆరోగ్య శాఖ అధికారి డాక్టర్‌ రాజేందర్‌, ఆదిలాబాద్‌ జిల్లా వైద్య ఆరోగ్య శాఖ అధికారి డాక్టర్‌ సాధన, నిజామాబాద్‌ జిల్లా వైద్య ఆరోగ్య శాఖ అధికారి డాక్టర్‌ రాజశ్రీ, కార్యక్రమ అధికారులు, ఉప జిల్లా విస్తరణ, మీడియా అధికారులు బారె రవీందర్‌, వెంకట్‌రెడ్డి, ఇతర వైద్య ఆరోగ్య శాఖ అధికారులు, సమాచార నమోదు సిబ్బంది పాల్గొన్నారు.
రాష్ట్ర క్లినికల్‌ ఎస్టాబ్లిష్‌మెంట్స్‌ యాక్ట్‌ అధికారి సునీల్‌రాజ్‌ మాట్లాడుతూ.. చట్టంలోని ముఖ్య నిబంధనలు, వాటి అమలు విధానం, జిల్లాస్థాయిలో అధికారులు నిర్వహించాల్సిన బాధ్యతలను వివరించారు. ఆన్‌లైన్‌ పోర్టల్‌లో దరఖాస్తుల నమోదు, అవసరమైన సమాచారాన్ని పొందుపరచడం, ధ్రువపత్రాలను అప్‌లోడ్‌ చేయడం, దరఖాస్తులను పరిశీలించడం వంటి అంశాలపై అధికారులకు అవగాహన కల్పించారు.
ఈ కార్యక్రమంలో నిర్మల్ జిల్లా వైద్య ఆరోగ్య శాఖ అధికారి డాక్టర్‌ రాజేందర్‌, ఆదిలాబాద్‌ జిల్లా వైద్య ఆరోగ్య శాఖ అధికారి డాక్టర్‌ సాధన, నిజామాబాద్‌ జిల్లా వైద్య ఆరోగ్య శాఖ అధికారి డాక్టర్‌ రాజశ్రీ, కార్యక్రమ అధికారులు, ఉప జిల్లా విస్తరణ, మీడియా అధికారులు బారె రవీందర్‌, వెంకట్‌రెడ్డి, ఇతర వైద్య ఆరోగ్య శాఖ అధికారులు, సమాచార నమోదు సిబ్బంది పాల్గొన్నారు.