నిర్మల్ జిల్లా అదనపు కలెక్టర్‌గా డి. వెంకట మాధవ రావు బాధ్యతల స్వీకరణ

నిర్మల్, అక్టోబర్ 16: జిల్లా నూతన అదనపు కలెక్టర్ (రెవెన్యూ)గా డి. వెంకట మాధవ రావు శుక్రవారం కలెక్టరేట్‌లోని తన చాంబర్‌లో బాధ్యతలు స్వీకరించారు.

అంతకుముందు జిల్లా కలెక్టర్ భవేశ్ మిశ్రాను ఆయన ఛాంబర్‌లో మర్యాదపూర్వకంగా కలిసి పూల మొక్కను అందజేశారు. ఈ సందర్భంగా కలెక్టర్ భవేశ్ మిశ్రా నూతన అదనపు కలెక్టర్‌కు శుభాకాంక్షలు తెలిపారు. క్రమశిక్షణతో విధులు నిర్వర్తించాలని సూచించారు.

అదనపు కలెక్టర్‌గా బాధ్యతలు స్వీకరించిన డి. వెంకట మాధవ రావుకు పలువురు కలెక్టరేట్ అధికారులు, సిబ్బంది శుభాకాంక్షలు తెలిపారు.