దుర్గామాతనిమజ్జనకార్యక్రమాన్ని ప్రశాంతగా నిర్వహించాలి చెన్నూర్ పట్టణ సిఐ బన్సీలాల్

చెన్నూరు సాక్షర : చెన్నూర్ పట్టణంలో నిర్వహించనున్న దుర్గామాత నిమజ్జనకార్యక్రమాన్ని పురస్కరించుకొని, చెన్నూర్ పట్టణ పోలీసులు దుర్గామాత ఉత్సవ సమితి సభ్యులు దుర్గామాతమండపనిర్వాహకులతో సమావేశం నిర్వహించి, కార్యక్రమాన్ని శాంతియుతంగా, ప్రశాంత వాతావరణంలో నిర్వహించేందుకు పలు సూచనలు చేశారు.ఈ సందర్భంగా పోలీసులుమాట్లాడుతూ,దుర్గామాత నిమజ్జన కార్యక్రమంలో భక్తులు, ఉత్సవ సమితి సభ్యులు మరియు మండప నిర్వాహకులు పోలీసులకు సహకరించాలని సూచించారు.నిమజ్జనఊరేగింపులో ఎలాంటి అవాంఛనీయ సంఘటనలు జరగకుండా ప్రతి ఒక్కరూ బాధ్యతాయుతంగా వ్యవహరించాలని తెలిపారు.
అలాగే, ఊరేగింపు సమయంలో ట్రాఫిక్‌కు అంతరాయంకలగకుండా పోలీసుల సూచనలను పాటించాలని, డీజేలు మరియు సౌండ్ సిస్టమ్‌లను నిబంధనలకు అనుగుణంగా వినియోగించాలని, ఇతరులకు ఇబ్బంది కలిగించే విధంగా వ్యవహరించకూడదని సూచించారు. మద్యం సేవించి ఊరేగింపులో పాల్గొనడం, గొడవలకు దిగడం, రెచ్చగొట్టే వ్యాఖ్యలు చేయడం వంటి చర్యలకు పాల్పడరాదని హెచ్చరించారు.నిమజ్జన కార్యక్రమం సందర్భంగా శాంతిభద్రతలకు విఘాతం కలిగించే చర్యలకు ఎవరూ పాల్పడవద్దని, ఏవైనా సమస్యలు ఎదురైతే వెంటనే పోలీసులకు సమాచారం అందించాలని కోరారు.దుర్గామాత నిమజ్జన కార్యక్రమాన్ని భక్తిశ్రద్ధలతో, పరస్పర సహకారంతో, శాంతియుతంగా నిర్వహించుకొని పోలీసులకు సహకరించాలని చెన్నూర్ పట్టణ పోలీసులు ప్రజలకు విజ్ఞప్తి చేశారు. ఈ కార్యక్రమంలో ఎసై శ్యామ్ పటేల్, పోలీస్ సిబ్బంది చెన్నూరు దుర్గా మాత ఉత్సవ సమితి సభ్యులు, దుర్గ మాత మండప ఆర్గనైజర్స్ పాల్గొన్నారు.