గ్రామాల అభివృద్ధికి పెద్దపీట.. పలు అభివృద్ధి పనులకు ఎమ్మెల్యే ఏలేటి శంకుస్థాపనలు, ప్రారంభోత్సవాలు

నిర్మల్ నవంబర్ 13 సాక్షర ప్రతినిధి.
గ్రామీణ ప్రాంతాల అభివృద్ధి, ప్రజలకు మెరుగైన మౌలిక సదుపాయాల కల్పనే లక్ష్యంగా నిర్మల్ నియోజకవర్గంలో పలు అభివృద్ధి పనులకు బీజేఎల్పీ నేత, నిర్మల్ ఎమ్మెల్యే ఏలేటి మహేశ్వర్ రెడ్డి శ్రీకారం చుట్టారు. సిర్గాపూర్, బన్సపెల్లి, దిలావర్‌పూర్ గ్రామాల్లో పలు అభివృద్ధి పనులకు శంకుస్థాపనలు చేయడంతో పాటు, పూర్తయిన విద్యా సంబంధిత నిర్మాణాలను ప్రారంభించారు.
సిర్గాపూర్ గ్రామంలో గ్రామీణ రహదారుల అభివృద్ధి నిధుల ద్వారా రూ.1 కోటి 40 లక్షల వ్యయంతో నూతన బీటీ రోడ్డు, వంతెన నిర్మాణ పనులకు ఎమ్మెల్యే శంకుస్థాపన చేశారు. అదేవిధంగా రూ.30 లక్షల వ్యయంతో ధాన్యం నిల్వ గోదాం నిర్మాణ పనులకు కూడా శ్రీకారం చుట్టారు. ఈ పనులు పూర్తయితే గ్రామంలో రవాణా సౌకర్యాలు మెరుగుపడటంతో పాటు రైతులు తమ వ్యవసాయ ఉత్పత్తులను నిల్వ చేసుకోవడానికి ఎంతో ఉపయోగకరంగా ఉండనున్నాయి.గ్రామీణ ప్రాంతాల్లో రహదారులు, వంతెనలు, గోదాంలు, అంగన్‌వాడీ భవనాలు, పాఠశాలల్లో విద్యా సౌకర్యాల కల్పనకు ప్రాధాన్యతనిస్తూ అభివృద్ధి పనులు చేపడుతున్నట్లు ఈ కార్యక్రమాలు తెలియజేస్తున్నాయి.
ఈ కార్యక్రమాల్లో మాజీ ఎమ్మెల్యే నల్ల ఇంద్రకరణ్ రెడ్డి, సిర్గాపూర్ సర్పంచ్ చైతన్య శంకర్ రెడ్డి, ఉపసర్పంచ్ సాగర్, బన్సపెల్లి సర్పంచ్ మల్లేష్, ఉపసర్పంచ్ ముత్యం, దిలావర్‌పూర్ సర్పంచ్ అక్షయ అనిల్, బీజేపీ సీనియర్ నాయకులు దొడ్డికింది ముత్యం రెడ్డి, తక్కల రమణ రెడ్డి, జమాల్, సత్యం చంద్రకాంత్, బీజేవైఎం జిల్లా అధ్యక్షులు నిరంజన్ రెడ్డి, ఇతర ప్రజాప్రతినిధులు, బీజేపీ నాయకులు, ప్రజాప్రతినిధులు, పాఠశాల ఉపాధ్యాయ బృందం, గ్రామస్తులు, మహిళలు, కార్యకర్తలు తదితరులు పాల్గొన్నారు.