సదర్ సమ్మేళనం నవంబర్ 10.. దీపావళి నవంబర్ 8..

రామచంద్రపురం: రామచంద్రపురం డివిజన్ పరిధిలోని మందుముల శ్రీనివాస్ నగర్ కాలనీ సండే మార్కెట్ సమీపంలోని ప్రభుత్వ పశువుల ఆసుపత్రి ఆవరణలో సదర్ ఉత్సవ కమిటీ అధ్యక్షుడు రాగం రమేష్ యాదవ్ ఆధ్వర్యంలో సదర్ సమ్మేళనం సమావేశం నిర్వహించారు. ఈ సమావేశానికి మాజీ కార్పొరేటర్లు బూరుగడ్డ పుష్పనగేష్, తొంట అంజయ్య ముఖ్య అతిథిగా హాజరయ్యారు. ఈ సందర్భంగా గ్రామ పెద్దలు, అన్ని కులాల పెద్దలు, నాయకులతో సదర్ ఉత్సవాల నిర్వహణపై చర్చించారు. అందరి సమక్షంలో సదర్ ఉత్సవాలను నవంబర్ 10న, దీపావళి పండుగను నవంబర్ 8న నిర్వహించాలని ఏకగ్రీవంగా తీర్మానించి తేదీలను ఖరారు చేశారు.
ఉత్సవాలను ఘనంగా నిర్వహించేందుకు అందరూ సమన్వయంతో ముందుకు రావాలని సమావేశంలో చర్చించారు. ఈ సందర్భంగా వారు మాట్లాడుతూ, సదర్ ఉత్సవాల నిర్వహణకు సీఎంసీ ద్వారా అన్ని విధాలుగా సహాయ సహకారాలు అందిస్తామని హామీ ఇచ్చారు. ఈ సమావేశంలో కురుమ సగం అధ్యక్షుడు తంట నరసింహ, బైకన్ నవీన్ యాదవ్, మల్లేష్, సుధాకర్, ఐలాపురం ఆయిలేష్ , సదర్ ఉత్సవ కమిటీ సభ్యులు, గ్రామ పెద్దలు, వివిధ కులాల ప్రతినిధులు, స్థానిక నాయకులు పాల్గొన్నారు.