కేసీఆర్‌తో ఎమ్మెల్యే జీఎంఆర్ భేటీ

పటాన్‌చెరు: తెలంగాణ తొలి ముఖ్యమంత్రి, బీఆర్‌ఎస్ అధ్యక్షుడు కల్వకుంట్ల చంద్రశేఖర్ రావును పటాన్‌చెరు ఎమ్మెల్యే గూడెం మహిపాల్ రెడ్డి (జీఎంఆర్) మర్యాదపూర్వకంగా కలిశారు.
మంగళవారం సాయంత్రం ఎర్రవల్లిలోని కేసీఆర్ ఫామ్‌హౌస్‌లో మాజీ మంత్రి, సిద్దిపేట ఎమ్మెల్యే తన్నీరు హరీశ్ రావుతో కలిసి కేసీఆర్‌ను ఎమ్మెల్యే జీఎంఆర్ కలిశారు. ఈ సందర్భంగా ఈ నెల 30న హైదరాబాద్‌లో నిర్వహించనున్న తన సోదరుడు గూడెం మధుసూదన్ రెడ్డి కుమారుడు గూడెం సందీప్ రెడ్డి నిశ్చితార్థ వేడుకకు హాజరుకావాలని కేసీఆర్‌ను జీఎంఆర్ ఆహ్వానించారు. అనంతరం విజయదశమి పర్వదినాన్ని పురస్కరించుకుని కేసీఆర్‌కు దసరా శుభాకాంక్షలు తెలియజేశారు.